تشكيل لجنة.. أنس مرشد

كتب انس مرشد:

عدنا مشكلة!

الحل الحكومي؟

تشكيل لجنة.
تشكيل خلية.
تشكيل مجلس.

الحل هذا ممكن يشتغل ويساعد هواية بس!

لازم يكون اكو تشريع قانون خاص بهاي التشكيلات واللجان والمجالس شغلة التالي:

يلزم الوزارات والمؤسسات ان تنفذ القرارات الصادرة من (اللجنة، الخلية، المجلس)

صلاحية المتابعة والمراقبة والتقويم.

التشكيل يكون برئاسة وعضوية نخبة من الخبراء الحكوميين والقطاع الخاص.

لازم يكون اكو وضوح لدور رئيس (اللجنة، الخلية، المجلس) وأعضائه والمقرر.

يعمل على صياغة السياسات العامة والسياسات الإدارية.

بدون هاي النقاط أعلاه ف(اللجنة، الخلية، المجلس) مراح تشتغل ولا يكون الها دور حقيقي.

واذا توفرت هاي النقاط فراح تكدر (اللجنة، الخلية، المجلس) ان تحقق نتائج استراتيجية ومالية واقتصادية واجتماعية وغيرها من النتائج.