رد ناري من احمد البشير على المعترضين على مهرجان عرض الازياء في الحبانية: تقاليدك العشائرية الك

بغداد: يس عراق

علق مقدم البرنامج الساخر، البشير شو، احمد البشير، على ردود افعال بعض عشائر الانبار على مهرجان عرض الازياء الذي اقيم في مدينة الحبانية السياحية قبل ايام.

وقال البشير في تدوينة على موقع الفيسبوك، واطلع عليها “يس عراق”، “ما طلعت عيشة هاي، كلما واحد راد يرجع الحياة لمكان ويفرح شوية انه راح يعيش مثل ال٧ مليارات اللي بالكوكب وطلعولنا ٢٠ نفر قافلين على سنة ال١٢٠٠ ميلادية وصاحوا (ميصير، لااا ، تقاليد) خايب شعليكم بالعالم انتو؟ اكعد ببيتك وحافظ على “تقاليدك” العشائرية ونام يمها وداريها وطبقها على روحك ياهو مالتك بالوادم؟! انت حتى ابنك ما الك حق تفرض عليه تقاليدك ومفاهيمك، شنو هلخوف هذا من عروض ازياء لو موسيقى لو غناء لو حفل ؟ زلمة وشيخ عشيرة تخاف من عرض ازياء؟؟!!”.