“شويه ديرو وجوهكم باتجاه الجنوب”..علي النواب

كتب علي النواب :

شويه ديرو وجوهكم باتجاه الجنوب

المثنى : اقضيه 3 اشهر بدون مي كهرباء 20 ساعة اطفاء باليوم، التبليط ميعرفون شنو هو بس يسمعون بيه

الناصريه: محطتين لتجهيز الكهرباء بيها والكهرباء مفقوده المي ان وجد فهو خابط لابط، الواقع الصحي تحت الصفر الموت بالجمله البطاله معدلات مخيفه

ميسان: الكهرباء كاخواتها المثنى وذي قار الماء عباره عن محلول طيني مخفف، الخدمات واقع كارثي

البصره: ماء تركيز الملح وصل الى نسب تتجاوز 50 بالميه الكهرباء تناسب عكسي مع ارتفاع درجات الحراره، التبليط بس بالشوارع الرئيسيه

واسط : اقضيه بعدها عايشه ببيوت الصرايف بس هيج اريد اكللكم

وعود خلي يجي اعلامي لو واحد كاعد يدك التبريد على مؤخرته ويجي يتفلسف ويكول ( ان الجنوب تحاك له مؤامره مشابهه لمؤامرة داعش)
الافضل تكول السياسيين الي تخدمهم خلو الجنوب رماد بفسادهم