لماذا تقلب اسعار ايفون 14 في العراق؟.. حسين الجزائري

كتب حسين الجزائري:
الي جاي يصير بخصوص الايفون ١٤ برو ماكس بالسوك صار كم يوم يبيعوه بـ 1600$ فما فوق بينما قبل اسبوع كان سعره 1475$ (الي هو السعر الرسمي)..
 الاسباب كالتالي
تبدي من الموزعين جاي (يفرضون) على المحلات من يطلبون نسخة الماكس لازم ياخذون وياه نسخ مثل الـ ١٤ والـ ١٤ برو!! على سبيل المثال iPhone 14 512GB وهذا منو يشتريه؟؟!!
(فأذا ما تاخذ هذني ما تاخذ نسخ ماكس)!!! هذا الي جاي ينتهجه الموزعين بالعراق..
بالمقابل اكو كم محل اجته من الله فرصه يعض بيها الناس.. يشتري وجبه ويضمها .. يفرغ السوق يبيعها بـ 1600$ او اعلى وهذا الشي الي جاي يصير من قبل ٥ ايام لهسة..
بالنتيجة الموزع هو الربحان لأن ممشي بضاعته بكل فئاتهه.. وابو المحل يتحمل بعض الخسائر لان كم جهاز راح ينام على گلبه مثل نسخة الـ ١٤ بس شلون راح يعوضها ؟؟ يعوضها برفع سعر نسخة الماكس!!
تصوروا بس لو اكو دولة بيها حظ وتراقب وتحمي المستهلك چان صار مثل هاللعب بالسوق ؟؟؟
هاي كل القصة وتحياتي الكم