ليش اسعار المجمعات الاستثمارية في العراق اغلى من تركيا؟.. مصطفى ابو ضيف الله

كتب مصطفى ابو ضيف الله:
ليش اسعار الشقق السكنية في المجمعات الاستثمارية في العراق اغلى من تركيا ؟
هواي يتكرر هذا السؤال ؟
مثلاً: الشقة في مجمع بسماية “هنوا” الشركة الكورية اذا هنا سعرها 100 الف دولار، نفس الشقة تحصلها 25 الف دولار بأطراف اسطنبول.
الجواب: لان ماعدهم جماعات مسلحة تقصف المطارات ! وتخلي الشركات تعيد حساباتها آلاف المرات قبل لا تقرر تستثمر في بيئة خطرة ، اضافة لقوانين وادارة مشجعة لجذب الشركات .
حتى قدر مختصون ان نسبة تكاليف الخطورة لبيئة استثمارية مثل العراق لعام 2020 تصل الى 50‎%‎ .
همات نسخة منه الى السيد النائب الأول “حاكم الزاملي”
والسيد “محمد شياع السوداني”
وكل نائب يدور طشة و يطلب مراجعة عقود الشركات الاستثمارية النفطية وغيرها .
اطفاء الكهرباء الوطني وصل 20 ساعة ، على سوالفكم راح نبقى نجدي طاقة منا ليوم القيامة .
احمدو الله وشكروه هم بعد اكو شركات طايحة مستعدة تشتغل يم المخابيل .