كتب النائب السابق جوزيف صليوا
الى الاحزاب الي كانت تسمي نفسها جند المرجعية (باللهجة العراقية الصرفة)
ترى المرجعية في خطبتها ليوم الجمعة المصادف ٦/١٢/٢٠١٩
كانت واضحة كلش أكثر بهواي من الخطب السابقة و قالت:
* لابديل للقوات الأمنية للحفاظ على سلمية التظاهر ( يعني يا منفذين دعوات المرجعية الموقرين ) لا تنزلون جماعتكم لضرب المتظاهرين بالسككاين و المشارط ) و تقولون غايتنا حماية المتظاهرين العراقيين بكل تسمياتهم.
* حذرت من تدخل اجنبي في اختيار الحكومة القادمة و الموضوع كلش واضح منو الي ديسوي اجتماعات مع اطراف عراقية وصلت للبرلمان وكانت مهندسة التزوير فلا تقولون المقصود بها امريكا وإسرائيل.
* قالت ان المرجعية ليست بأي شكل من الأشكال طرفاً في اختيار رئيس الوزراء و اعضاء الحكومته المقبلة وهذا يعني ( لا تطبخون طبخاتكم و بعدين تلتفون على الموضوع و تقولون احنا اخترنا رئيس وزراء و وزراء وفق ما تريده المرجعية ).
و بما انه انتم جند المرجعية الكريمة التزموا بهل توجهات و بطلوا ولأت غير عراقية و تراعون مصالح جيوبكم و تذبوها برأس المرجعية يا جنودها الاعزاء. هذني بعد ما يمشن وهل قوانة بعد صارت مشروخة.
