هل تريدون تخليد اسم ابو مهدي المهندس؟.. هشام المالكي

كتب المهندس هشام المالكي:

هل تريدون تخليد اسم ابو مهدي المهندس؟
سهلة اني اقترح عليكم اقتراحات:
– ابنوا بالبصرة مستشفى جديد باسم مستشفى ابو مهدي المهندس بطاقة استيعابية 11 ألف سرير راح يكون اكبر مستشفى بالعالم بعد مستشفى Chang Gung Memorial في تايوان اللي يستوعب 10 آلاف سرير.
– ابنوا في البصرة (مدينة ابو مهدي المهندس للإنترنت) تكون نواة لما يشبه وادي السيلكون يجمع فيه شركات تكنولوجية من الصين وتايوان واليابان وكوريا وأوروبا وامريكا.
– ابنوا خط قطارات باسم خط ابو مهدي المهندس للسكك الحديدية فائقة السرعة يربط البصرة بالموصل برحلة ما تتجاوز 4 ساعات.
ابنوا مترو انفاق في بغداد والبصرة والموصل مكون من 12 خط في كل مدينة، واحد منهم سموه باسم خط ابو مهدي المهندس.
– ابنوا مصنع لإنتاج كيبلات الألياف الضوئية باسم مصنع ابو مهدي المهندس يغطي حاجة العراق والمنطقة، بحيث احنا بغضون عشر سنوات راح تكون عدنا كل المناطق الحضرية بالعراق مربوطة بشبكة ألياف ضوئية للاتصالات.
– اطلقوا مشروع باسم مشروع ابو مهدي المهندس لرفع سرعة الإنترنت بالعراق بحيث يصبح العراق الأول بالعالم بسرعة الإنترنت بسرعة تحميل تفوق الـ 70 ميغابايت في الثانية، الأولى بالعالم هي سنغافورة بسرعة 60 ميغابايت.
– ابنوا مركز عالمي لأبحاث النانو تكنولوجي وسموه باسم ابو مهدي المهندس
– ابنوا في كل محافظة احياء سكنية باسم حي ابو مهدي المهندس تحتوي على مباني سكنية نموذجية بعدد 10 الف وحدة سكنية لكل حي.
– ابنوا مركز أبحاث عالمي لأمراض السرطان باسم (مركز ابو مهدي المهندس).
ما عندي مشكلة ولا حساسية بالاسم لكن المهم عندي هو أن تبنون شي ينفع الناس.
تردون تغيرون اسم مطار بغداد ليش؟
روحوا غيروا واقع الجواز العراقي اللي هو أسوأ جواز بالعالم و80٪؜ من الشعب العراقي ما عنده جواز أصلا.