كتب الدكتور نجم عبد طارش:
شبعنا قهر
كل مااروح ابدل دهن لسيارتي اشبع قهر اشوف ماركات دهن سيارات من مختلف المناشى وبعضها مغشوش. بالله عليكم ليش هيج؟
احنا بلد نفطي وعدنا أيدي عاملة وسوق ضخم.
وبحساب عرب. عدنا حوالي خمس ملايين سيارة بأنواع مختلفة اذا حسبنا كمعدل كل سيارة تحتاج ٥ لتر شهريا بسعر ٤ دولار للتر الواحد هذا يعني ان كل سيارة تحتاج ٢٠ دولار اذا ضربنا الرقم ب ٥ مليون سيارة يكون الإجمالي ١٠٠ مليون دولار شهريا اي ١٥٠ مليار دينار عراقي × ١٢ شهر يكون المبلغ مليار ومئتي مليون دولار على أقل تقدير.هاذا المبلغ يعادل ٢٠ % من موازنة دولة مثل الاردن يكفي لبناء افضل معمل زيوت سيارات. ممكن نروح لافضل شركة بالعالم المانية يابانية كورية سعودية تبني لنا افضل معمل زيوت يوقف هذا النزيف الهائل لاموالنا ويشغل شبابنا ويحل لنا جزء مشكلة البطالة .
حرام علينا نشوف مصنع بهاي البلاد يشتغل بيه شبابنا مثل كل بلدان الدنيا. مخلصينها علينا أزمات وحروب وبطولات وعنتريات وصراعات.
قسمتنا العوجة.
